Nga dita e sotme, zgjerohet fasha orare dhe hapen një seri aktivitetesh dhe shërbimesh për qytetarët, por kërkohet më shumë vigjilencë për respektimin e rregullave, për të mbrojtur veten dhe të tjerët, njoftoi Ministria e Shëndetësisë.
Ndër masat lehtësuese është heqja e autorizimeve për lëvizjen e këmbësorëve dhe automjeteve, por nuk lejohet kalimi nga një zonë e gjelbër te ajo e kuqe dhe anasjelltas.
Gjithashtu hapen bibliotekat, muzetë dhe arkivat, si dhe lejohen stërvitjet në ambientet e hapura.
Po kështu lejohet hapja e bareve dhe restoranteve, vetëm në ambientet e jashtme, ndërsa nis mësimi për maturantët.
