Kryebashkiaku i Tiranës, Erjon Veliaj i ftuar në ‘Opinion’ ka marrë në mbrojtje një godinë të ndërtuar në periudhën e diktaturës siç ëhstë ‘Piramida’ ndërsa e ka cilësuar sërish Teatrin Kombëtar një godinë tallashi.
Ndërkohë që drejtuesi i emisionit e ka vënë përballë deklaratave të bëra nga eprori i tij Edi Rama gjatë kohës që ishte kryetar bashkie kur nuk pranonte të prishte piramidën, dhe e pyet se përse sot prishën Teatrin Kombëtar, veliaj u përgjigj se këto janë të pakrahasueshme.
Pjesë nga debati:
Fevziu: Po ju vë në monitor çfarë deklaronte paraardhësi juaj, ai para atij që gjetët ju, kur i kërkuan të prishte Piramidën. Pse për teatrin u përdor standard tjetër?
Ja çfarë deklaronte Rama në 2010:
Veliaj: Po krahasoni një ndërtesë tallashi e cila sipas ekspertëve është i pariparueshëm Rasti i piramidës është një ndërtesë moderne e cila është e rikuperueshme, do ta bëjmë dhe atë se e kam premtuar në fushatë unë.
