Kendall Jenner, tashmë është një emër i njohur në botën e modelingut dhe në mediat rozë.
Së fundmi modelja ka dhënë një intervistë për ‘Good Morning America’, gjatë të cilës ka folur për problemet që ka pasur me krizat e panikut.
“Isha shumë shumë e vogël dhe më kujtohet se nuk arrija të merrja frymë dhe kam vrapuar tek mamaja ime duke i thënë se nuk mbushesha me frymë”, ka pohuar Kendall.
Më tej ajo ka treguar se mamaja e saj, Kris Jenner ka takuar një sërë doktorësh, të cilët i kanë treguar se gjithçka ishte psikologjike.
“Para 3-4 vitesh gjithçka m’u rikthye dhe mund të isha çmendur nga ato kriza, por mora në kohë informacionin e duhur”, ka shtuar Kendall.
