Juventus ka gati kontratën e re për sulmuesin argjentinas Paolo Dybala. Gjithçka do të zyrtarizohet me mbërritjen e agjentit të tij në Torino.
Lajmin e bën të ditur “La Gazzetta dello Sport”, duke e quajtur këtë proces një formalitet. Dybala do të nënshkruajë një kontratë pesëvjeçare të vlefshme deri në verën e vitit 2025.
Aktualisht Dybala përfiton 7.5 milionë euro në sezon, pagë kjo që do të përmirësohet me kontratën e re, ndonëse mediat italiane nuk konfirmojnë asnjë shifër zyrtare.
26-vjeçari këtë sezon ka shënuar 12 gola dhe ka dhënë 12 asistime në 24 paraqitje në Serie A, Kupën e Italisë dhe Ligën e Kampioneve.
