Shembja e Teatrit Kombëtar ka sjellë reagime të shumta, jo vetëm diplomatike, por edhe nga gazetarë të huaj.
Charles Haviland, një gazetar i BBC, shkruan në Twitter se në Shqipëri u shemb një teatër me arkitekturë moderne, i ndërtuar nga Italia gjatë viteve ’30.
Ai citon reagimin e Europa Nostra duke u shpreh se “sot është një ditë e keqe për kulturën dhe demokracinë në Shqipëri”.
Teatri Kombëtar u shemb rreth orës 04:30 të mëngjesit të sotëm, kur disa qindra forca policore mësynë brenda godinës, ndërsa një fadromë nisi shembjen e mureve, megjithëse kishte rreth 50 qytetarë, artistë dhe pjesëtarë të shoqërisë civile në ambientet e brendshme të godinës në një përpjekje për ta mbrojtur atë.
