Një ngjarje e rëndë ka ndodhur ditën e sotme në kryeqytet, pasi një punonjës policie ka ndërruar jetë në repartin e kardiologjisë pas problemeve me zemrën.
Efektivi i policisë V.K, 49 vjeç i cili prej disa ditësh ndodhej në spitalin infektiv ku po trajtohej pasi ishte prekur nga COVID 19 ka shfaqur probleme me zemrën, dhe për këtë arsye ishte transferuar në spitalin e kardiologjisë ku dhe ka ndërruar jete ditën e sotme.
Kjo ngjarje është mbajtur e fshehtë nga Ministria e Shëndetësisë dhe nuk është raportuar si një vdekje nga COVID 19.
V.K ka qenë punonjës në zyrën e Informacionit në Drejtorinë e Policisë së Tiranës.
Kujtojmë që Ministria e Shëndetësisë edhe në disa raste të tjera ka mohuar që viktimat e shtruara në spitalin infektiv kanë humbur jetën nga COVID 19, duke raportuar se vdekja e pacientëve të shtruar ka ardhur nga sëmundje të tjera shoqëruese, çka është një justifikim qesharak.
Në të gjithë botën pacientët që kanë humbur jetën nga COVID 19 kanë patur edhe sëmundje të tjera shoqëruese, çka rrëzon teoritë apo alibitë mbrojtëse që përdor Ministria e Shëndetësisë, e cila po tenton që të manipulojë dhe fshehë shifrat reale me qëllim që të raportojë sa më pak vdekje e më pas t’i shpallë masat e vendosura në vendin tonë si një histori suksesi.
