Pas më shumë se dy muajsh mungese aktiviteti, Bayern Munich do të zbresë në fushën e lojës në transfertën e Union Berlin. Kampionët e Bundesligës duke filluar nga ora 18:00, do të kërkojnë ta rinisin sezonin 2019-2020 aty ku e lanë, me një fitore.
Përballë do të kenë modestët e Union Berlin, por që gjithsesi për bavarezët është e qartë që asnjë kundërshtar nuk mund të nënvlerësohet, aq më tepër në ndeshjen e parë pas një pauze kaq të gjatë.
Bayern-i kryeson klasifikimin e përgjithshëm në kuotën e 55 pikëve, ndërsa një sukses pasditen e sotme, do çonte distancën me vendin e dytë që mbahet nga Dortmund përsëri në katër pikë.
Të dyja skuadrat kanë publikuar formacionet zyrtare, ndërsa për tu theksuar është fakti që Robert Lewandowski do ta nisë ndeshjen si titullar, pasi është riaftësuar plotësisht nga dëmtimi që pati.
Formacionet zyrtare:
