Trajneri i Augsburgut, Heiko Herrlich, do të humbasë rifillimin e Bundesligës pasi ka shkelur rregullat e karantinës, duke lënë hotelin ku ndodhet ekipi për të vizituar një dyqan.
Herrlich, ekipi i të cilit përballet me Wolfsburg të shtunën, tha në një konferencë shtypi të enjten se ai kishte vizituar një dyqan për të blerë një pastë dhëmbësh, duke thyer protokollin e ligës gjermane.
“Kam bërë një gabim duke e lënë hotelin. “Edhe pse kam ndjekur të gjitha masat e higjienës, si gjatë daljes nga hoteli, ashtu edhe më pas, nuk mund ta zhbëj këtë veprim. Në këtë situatë, nuk jam treguar si një shembull i mirë për ekipin tim dhe publikun.”
“Jam i ndërgjegjshëm dhe paguaj për gabimin tim. Për këtë arsye nuk do të drejtoj seancën stërvitore dhe skuadrën për ndeshjen ndaj Wolfsburgut”, tha vetë Herrlich në një deklaratë në rrjetet sociale.
