Një masakër mjedisore po i bëhet lumit Mat, pranë fshatit Ferrë Shkopet.
Kamionët dhe ekskavatorët e kompanisë Salillari, çdo ditë, gërryejnë shtratin e këtij lumi për të marrë rërë dhe zhavorr. Kjo ka bërë që rrjedha e tij të devijohet, duke shkaktuar edhe eriozion në tokat bujqësore të banorëve të kësaj zone.
Për disa nga banorët, këto toka janë i vetmi burim të ardhurash që ata kanë. Por edhe këto toka, kjo kompani po i gërryen dita ditës.
Një pjesë e këtij shtrati lumi që dikur shfrytëzohej edhe si zonë plazhi, tashmë është mbushur me interte. Banorët thonë se kompania Salillari këto mbetje i sjell gjatë natës nga Tirana.
