Bundesliga gjermane rifillon nesër sezonin 2019-2020, ku do të luhen plot gjashtë takime. Kampionati gjerman, bëhet kështu liga e parë evropiane që do të rinisë aktivitetin, ndërsa gjithçka rifillon nga java e 26-të.
Takimi ku do të jetë e përqendruar vëmendja më e madhe, është ajo mes Borussia Dortmund dhe Schalke 04. Verdhezinjtë klasifikohen të dytët në tabelën e renditjes në kuotën e 52 pikëve, katër më pak se Bayerni kryesues.
Nga ana tjetër Schalke 04 renditet e gjashta dhe është në një luftë të fortë me Wolsfurgun, për vendin e fundit e cila të siguron play off-in për kualifikimin në Europa League.
Për sa i përket masave të sigurisë, në impiantet sportive do të lejohen maksimumi deri në 213 persona, ku përfshihen, 98 në fushë: 5 arbitra, 15 personel të sistemit VAR, 22 lojtarët, 18 rezervat, 20 anëtarët e stafeve të ekipeve, 4 mjekë, 4 punonjës sigurie, 4 mbledhës të topave, 3 përgjegjës higjiene, 3 fotografë dhe pjesa tjetër prej 115 personash do të jenë në stadium, ku përfshihen zyrtarë, mjekë, policë, zjarrfikës dhe operatorë televizivë.
Dhomat e zhveshjes do të lejohen për t’u përdorur vetëm për 40 minuta dhe me distanca të sigurta fizike, distanca që duhet të ruhen edhe kur lojtarët të kalojnë për në fushë. Në fillim dhe në fund të ndeshjes lojtarët dhe zyrtarët nuk do t’i japin dorën njëri-tjetrit, ndërsa në stol të gjithëve do t’u duhet të mbajnë maska.
Java e 26-të
16 maj (15:30)
Borussia Dortmund-Schalke 04
RB Leipzig-Freiburg
Hoffenheim-Hertha Berlin
Fortuna Dusseldorf-Paderborn
Augsburg-Wolfsburg
Eintracht Franfurt-Borussia Monchengladbach (18:30)
17 maj
Koln-Mainz (15:30)
Union Berlin-Bayern Mynih (18:00)
18 maj
Werder Bremen-Bayer Leverkusen (20:30)
