Zyrtarë të lartë të Komitetit Olimpik Ndërkombëtar (IOC), kanë deklaruar se shtyrja e Lojërave Olimpike të Tokios do t’i kushtojë organizatës deri në 800 milionë dollarë.
Presidenti i IOC-së, Thomas Bach, deklaroi se komiteti po përballet me sfida të mëdha, ndërsa dha një vështrim të përgjithshëm për situatën që ka shkaktuar pandemia e coronavirusit.
“Lëvizja Olimpike aktualisht po përballet me një sfidë të pashembullt. Të gjithë do të duhet të bëjmë sakrifica dhe kompromise për t’ia dalë mbanë. Kjo është një situatë komplekse për shkak të faktorëve të shumtë që ndryshojnë vazhdimisht”. – deklaroi Bach.
