Për Igli Taren, anulimi i sezonit 2019-20 i Serie A, do të ishte një katastrofë e madhe jo vetëm për futbollin por edhe për ekonominë në Itali.
Seria A ka caktuar një datë të përkohshme për rinisjen e kampionatit, por Tare pret komplikime dhe pretendon se Gjermania ka protokollin më të mirë për të përfunduar sezonin.
“Futbolli i jep jetesë 370 mijë njerëzve, nëse ndalet, do të jetë rënia e shumë njerëzve dhe Italia do të humbasë pjesë të historisë së saj, jo vetëm sportet”.
“Do të jetë një fatkeqësi sociale. Ndalimi tani do të thotë, pothuajse me siguri, që ne nuk mund të rifillojmë as në shtator”.
“Shumë muaj pasivitet do të ishin të padurueshëm. Ata na kanë zili dhe mendojnë se futbolli është vetëm Serie A, përkundrazi ka mijëra njerëz dhe familje që punojnë. Ne kemi për detyrë t’i mbrojmë ata”. – ka thënë drejtori sportivi i Lazios për “La Repubblica”.
