Policia e Durrësit procedon penalisht kryetarin e PD-së Lulzim Basha pas takimit me tregtarët. Mësohet se procedimi ka nisur me akuzën “per shkelje të rregullave kundër përhapjes së COVID-19”.
Procedimi ka ardhur pas takimit të tregtarëve në ambiente të mbyllura. Ndërkohë nuk ka ende një komunikim zyrtar nga policia e Durrësit.
Kryeministri Edi Rama po shfrytëzon epideminë e Covid-19, ndërsa ka vendosur masa ekstreme prej 10 javësh, duke kufizuar totalisht qarkullimin e qytetarëve. Madje edhe në ditët e fundit, referuar rregullave të Ramës, qytetarët duhet të mbyllen në shtëpi në orën 17:30, pasi pas kësaj ore del në qarkullim “armiku i padukshëm”.
Më 9 maj, policia ndërhyri dhunshëm, madje i tërhoqi zvarrë një grup qytetarësh, që po tentonin të organizonin në një protestë në sheshin “Skënderbej”.
