Cristiano Ronaldo dhe Lionel Messi, të dy së bashku kanë formuar rivalitetin më të fortë në historinë e futbollit.
Në kulmin e rivalitetit të tyre, të dy futbollistët ja dolën të fitojnë shumë trofe, si kampionate, Ligën e Kampionëve, duke dominuar botën e futbollit.
Në një intervistë të fundit për “RMC Sport”, Ronaldo është shprehur se ai e admiron karrierën që ka bërë argjentinasi dhe se e vlerëson shumë rivalitetin që kanë pasur: “Unë me të vërtetë e admiroj karrierën që Messi ka bërë deri tani. Ai tha se kishte probleme kur unë u largova nga Spanja, kjo për shkak se kishte një rivalitet të madh.”
“Është një rivalitet që ekziston në futboll ashtu si dhe në sporte të tjera. Një shembull mund të jetë në Formula 1 mes Ayrton Sennas dhe Alain Prost. Pika e përbashkët e rivaliteteve të mëdha është se i bëjnë mirë sportit.”
