Ish-ministri i Jashtëm, Ditmir Bushati, duket se i ka prishur punë vetes në grupin parlamentar socialist, pasi në një nga seancat e fundit, akuzoi Qeverinë për lidhje me oligarkët.
Nga ajo seancë, ku Bushati tërhoqi vëmendjen me kritikën e tij, duket se ndaj tij po aplikohet masa e distancimit social, me ndonjë përjashtim.
Sot Bushati u pa në oborrin para Kuvendit në shoqërinë e ish-zv.Kryeministrit Niko Peleshi dhe ish-kryetares së PS Tiranë, Blerina Gjylameti, por kolegët e tjerë deputetë apo ministra shfaqën indiferencën.
Nga fotot e publikuara nga LSA-së, vihet re qëndrimi i deputetëve për ish-ministrin, madje disa prej tyre qëndrojnë edhe pas pemës.
E ndërsa Ilir Beqaj dhe Ervin Bushati, nuk preferojnë as të kthejnë kokën ndaj kolegut të tyre, ish-ministrit të Jashtëm, Bledi Çuçi apo Ulsi Manja, qëndrojnë pas një peme.
