Kushëriri i Lionel Messit, Maxi Biancucchi, ka treguar se si ylli i Barcelonës gjeti një mënyrë për tu përshtatur me kundërshtarët më të fortë fizikisht se ai.
32-vjeçari përveç “magjive” që bën me topin, njihet edhe për shtatin relativisht të vogël që ka, por gjatësia nuk e ka ndaluar për asnjë moment Messi-n në fushën e lojës, me Biancucchi që rrëfen se edhe gjatë fëmijërisë, “pleshti”, kurrë nuk dorëzohej nga sfidat.
“Ashtu si çdo fëmijë, Messi luante futboll në lagje, por të gjithë ne ishim fizikisht më të mëdhenj se ai. Kundërshtarët na thoshin ta largonim Messin nga fusha, pasi do të vritej gjatë lojës duke parë fizikun e dobët të tij. Në ndeshje ishin gati për ta masakruar por ai kalonte çdo gjë. Gjithsesi dua të them se që në vogëli, ai ishte burim atraksioni për shumë njerëz që mblidheshin duke e parë.”
