“Graj gomarin tat” ishte shprehja me të cilën kryebashkiaku Erion Veliaj iu drejtua pak ditë më parë Presidentit, për çështjen e Teatrit Kombëtar, Kjo për t’i treguar se, sipas tij, Ilir Meta po i fuste hundët aty ku nuk duhej. Sot, shprehjen tiranase, kreut të shtetit ia kujtoi një gazetar gjatë konferencës për media që mbajti Meta.
Gazetari ka kërkuar një koment nga Meta, për shprehjen e Veliajt. Presidenti u shpreh:
“Unë ju uroj të kaloni sa më mirë sot, ishte kënaqësi që patëm këtë komunikim! Do ta theksoj edhe njëherë se për cilindo që se ka kuptuar që: Europa nuk është thjesht euro por kujtesë, vizion dhe identitet”.
Në konferencën për mediat, Presidenti Ilir Meta njoftoi se depozotoi në Gjykatë Kushtetuese një padi kundër vendimit të qeverisë që i kaloi në pronësi Bashkisë së Tiranës, godinën e Teatrit Kombëtar. Meta tha se vendimi është jo në përputhje me Kushtetutën, ndërsa shprehu qëndrimin e tij kundër shembjes së godinës së Teatrit Kombëtar.
