Dele Alli është sulmuar nga dy grabitës të armatosur, mbrëmjen e djeshme në shtëpinë e tij në Londër. Mesfushori i Tottenham, ndodhej në shtëpi, së bashku me të dashurën e tij, Rube Mae, dhe 3 persona të tjerë.
Një nga dy grabitësit ka goditur mikun e Dele Alli i pranishëm në shtëpi, çka ka tërhequr dhe vëmendjen e mesfushorit, i cili është ngjitur lart. Më pas edhe Alli është sulmuar fizikisht nga grabitësit të cilët ishin të pajisur dhe me thikë. Grabitësit më pas u larguan me shpejtësi nga vendngjarja dhe me një shumë të konsiderueshme parash dhe bizhuteri.
Për këtë ngjarje të rëndë ka reaguar vetë 24-vjeçari: “Faleminderit për të gjitha mesazhet. Eksperiencë e tmerrshme por jemi të gjithë mirë tani. E vlerësoj mbështetjen tuaj.”
Thank you for all the messages. Horrible experience but we’re all okay now. Appreciate the support.
— Dele (@dele_official) May 13, 2020
Policia lokale ka deklaruar se aktualisht grabitësit nuk janë arrestuar ende, ndërsa hetimet për të zbardhur ngjarjen po vazhdojnë.
