Bundesliga ka konfirmuar se deri në fundin e sezonit aktual, e cila rifillon këtë fundjavë, gjatë një ndeshje do të lejohen 5 zëvendësime.
Ky vendim u zyrtarizua ditën e sotme pas një takimi të jashtëzakonshëm, ku 36 klubet e Bundesligës dhe Bundesliga 2 diskutuan për ndikimin e Covid-19.
Ndër çështjet e diskutuara ishte ndryshimi i përkohshëm i rregullit i aprovuar nga Bordi i Shoqatës Ndërkombëtare të Futbollit (IFAB), që lejon secilën skuadër të bëjë deri në pesë zëvendësime për ndeshje.
Por ashtu siç bën të ditur, Liga gjermane e futbollit (DFL), është e detyruar se nga këto 5 zëvendësime, 2 prej tyre duhen bërë në të njëjtën kohë. Gjithashtu mundësia për të bërë zëvendësimet do të jetë vetëm në tre momente të caktuara të ndeshjes, ku një prej tyre është gjatë pushimit të ndeshjes.
“Klubet kanë vendosur që numri i zëvendësimeve gjatë një ndeshjeje të shkojë në 5, por Komisioni i DFL rekomandon që dy lojtarë duhen zëvendësuar në të njëjtën kohë. Deri në fundin e sezonit, secili klub gjatë një ndeshje do të ketë vetëm tre mundësi për të kryer zëvendësimet, duke përfshirë pushimin e ndeshjes.” – ka bërë të ditur DFL.
OFFICIAL: Five substitutes option temporarily allowed to competition organisers ⚽️
➡️ News release: https://t.co/0zsuGGroME
➡️ Circulars: https://t.co/6MmA3tWgCV pic.twitter.com/OOP9v7scrL— The IFAB (@TheIFAB) May 8, 2020
