Kreu demokrat Lulzim Basha tha mbrëmjen e sotme se kushdo që bëhet pjesë e aktit kriminal për shembjen e Teatrit Kombëtar do të përballet me ligjin.
Basha, i cili ka shkuar mbrëmjen e sotme te Teatri Kombëtar, theksoi se policia po përdoret si mish për top në këtë situatë.
“Ishin në vijën e parë deri më tani përballë Covid-19, tani po përdoren si mish për top. Po i them kujdo që do të bëhet pjesë e këtij akti kriminal për shembjen e Teatrit, shumë shpejt do të jetë para ligjit, dhe për këtë kanë fjalën time”, tha Basha.
Duke shprehur bindjen se godina e Teatrit Kombëtar nuk do të shembet, Basha foli për një bashkim të të gjithë shqiptarëve për të larguar një orë e më parë këtë qeveri.
