Momente të vështira për familjen e Khabib Nurmagomedov, pasi babai i tij, Abdulmanap, ka probleme shëndetësore. Gjendja e tij raportohet të mos jetë e mirë dhe kjo ka bërë që të mos ndihet mirë edhe Conor McGregor, rivali më i urryer i Khabib.
Irlandezi ka bërë një postim në “Twitter” dhe lutët që Abdulmanap të bëhet më mirë dhe ta fitojë këtë betejë me vdekjen. “Lutje për shërimin e Abdulmanap Nurmagomedov. Një burrë përgjegjës për shumë kampionë bote, në disiplina të shumta.
Një gjeni i vërtetë i arteve marciale. Shumë i pikëlluar kur dëgjova këtë lajm sonte. Lutemi për familjen Nurmagomedov në këto momente të vështira”, shkruan McGregor, i cili ka shpërndarë një foto me mesazhin e presidentit të UFC, Dana White.
Abdulmanap Nurmagomedov, 57-vjeç ka pësuar një komplikacion të shëndetit të tij ndërsa rikuperohej nga pneumonia. Mediat ndërkombëtare raportojnë se ai është në gjendje kome.
https://twitter.com/TheNotoriousMMA/status/1260692062510465026
