Presidenti i departamentit Anti-Doping në Federatën Italiane të Futbollit, Guissepe ‘Pino’ Capua, ka folur në lidhje me rifillimin e Serie A dhe ka deklaruar se nëse Serie A do të rinisë atëherë ajo do të bëhet sipas modelit gjerman.
Duke folur për “Mediaset”, Pino Capua ka thënë:
“Deri më tani ka shumë paqartësi, nëse nuk gjejmë një zgjidhje shpejt sezoni aktual është në rrezik. Modeli gjerman është i aplikueshëm, le ta ndjekim dhe ne në Itali. Kemi një model që punon, Gjermania na e dha shembullin. Objektivi I të gjithëve është të rifillojë futbolli dhe fatet e sezonit të vendose në fushën e lojës.”
“Jam i bindur se nëse ekzistojnë të gjitha medikamentet për të siguruar shëndetin e futbollistëve futbolli do të rifillojë dhe nuk do të ketë rreziqe të mëdha. Ndërsa për futbollin amator, është më mirë të mos rifillojë derisa të dalë një vaksinë.”
