Lautaro Martinez shumë shpejt mund të veshë fanellën e Barcelonës. Kjo është ajo që qarkullon së fundmi në mediat spanjolle, duke e konsideruar kalimin e argjentinasit në Barcelonë si një çështje kohe.
Ndërkohë skuadra e Interit është e përgatitur për çdo skenar dhe ndërsa nuk dëshirojnë që ylli i tyre 23-vjeçar të largohet, në ambientin e klubit zikaltër gjithashtu mendojnë për zëvendësuesin e tij.
Timo Werner mbetet një opsion konkret, një dëshirë e madhe por njëkohësisht edhe opsioni më i kushtueshëm, duhet të paktën 55 milion euro për të blerë kartonin e tij.
Në këtë periudhë të vështirë, në tryezën e Marotta dhe Ausilio qëndron një emër me parametra zero, Dries Mertens. Sulmuesi belg mbetet pa kontratë gjatë muajve të ardhshëm dhe nëse Napoli nuk arrin ta bind të rinovoj atëherë, largimi i Mertens do të ishte me parametra zero.
Siç raportojnë mediat italiane, midis Mertens dhe Napolit aktualisht nuk ka komunikim për rinovimin e kontratës, ndërsa Interi nga ana tjetër kërkon të përfitoj nga kjo situatë duke shtyrë Mertens të mos rinovoj dhe ti bashkohet atyre sezonin e ardhshëm.
