Kreu demokrat Lulzim Basha tha mbrëmjen e sotme se qeveria po vazhdon të paguajë oligarkët e Edi Ramës dhe ka harruar shqiptarët.
“Ne kemi koronavirusin që u shtri në në gjithë Botën dhe për këtë se ka fajin Qeveria, por kemi edhe Ramavirusin që për 7 vjet ka varfëruar shqiptarët, që ka rritur taksat, që financon oligarkët”, tha Basha.
Sipas kreut demokrat, sipas të gjitha raporteve ndërkombëtare, sot Shqipëria është kthyer në një çiflig të Edi Ramës dhe 10 apo 15 oligarkëve të lidhur me të.
“Propoganda e Edi Ramës ka marrë fund, e patë në rastin e tërmetit, që tregoi se kemi shtet kartoni. E dyta është pandemia, që nxorri haptasi babëzinë e Edi Ramës dhe lukunisë së tij”, tha Basha.
Kreu demokrat tha për Faxneës, se regjimi sa herë vjen ndryshimi politik, regjimi përhap teza që nuk ka kush të vijë.
“Opozita nuk mbolli panik dhe terror, ka parë interesat e qytetarëve dhe jo interesat e ngushta politike apo të një grupi të caktuar. Ne propozuam që paratë të mos shkonin te oligarkët port e familjet në nevojë, tea ta që humbën vendet e punës, te sipërmarrja e cila nuk duhet të shkojë drejt falimentit”, tha Basha.
I pyetur lidhur me aleancën PD-LSI, Basha tha se asnjë shqiptar nuk ka luksin e tepërt që të shkojë drejt thashethemeve dhe hamendësimeve, sot jemi në emergjencë kombëtare.
“Opozita është më shumë e bashkuar se kurrë, jemi një koalicion fitues, pasi jemi në mbrojtje të interesave të shqiptarëve”, tha Basha.
