Ditën e djeshme Sebastian Vettel konfirmoi se në sezonin e vitit 2021, nuk do të jetë m♪7 një pilot i Ferrarit.
Tashmë e ardhmja e pilotit gjerman është vendosur në dyshim të madh, ndërsa mbetet për tu mësuar lëvizja e radhës e katër herë kampionit të botës.
Ndërkohë ndaj këtij lajmi të bujshëm, kanë reaguar menjëherë dy skuderitë e mëdha, Red Bull dhe Mercedes. Austriakët kanë qenë të shpejtë për të mbyllur çdo hipotezë për një rikthimin të mundshëm të Vettel, ndërsa Mercedes me diplomaci deklarojnë se “nuk mund ta injorojnë këtë zhvillim të fundit”.
“Seb tani kërkon që të qëndrojë i qetë. Do të vijojë karrierën vetëm nëse do t’i vijë një kontratë e një niveli të lartë sportiv, por kjo nuk do të vijë nga Red Bulli. Në skuadër kemi kampionin e ardhshëm të botës si Maks Verstapen dhe kemi një të ri të akademisë sonë që po rritet shumë si Aleks Albon”.- ka thënë Helmut Markos, këshilltari i Red Bull.
Për Mercedes ka folur vetë shefi i skuderisë, Totto Ëolf, ku ka thënë: “Sebastian është një burim për çdo skuadër, është i fortë dhe ka personalitet. Prioriteti ynë për të ardhmen është të vijojmë me pilotët tanë aktualë, por nuk mund ta injorojmë këtë zhvillim që na ka sjellë merkatoja”.
