Ministri i Brendshëm, Sandër Lleshaj, tha mbrëmjen e sotme në Opinion se çështja e kanabisit në Shqipëri është e mbyllur.
E ndërsa Prokurori i Përgjithshëm, Olsia Çela, në një raportim në Kuvend, tha se gjatë vitit 2019 ka pasur një rritje të parcelave të mbjella me kanabis, Lleshaj tha se 2019 ka qenë viti më i mirë, historikisht, bazuar në shifra.
Lleshaj këmbënguli se nuk ka pasur shanse për shtim të parcelave me kanabis, duke shtuar se nëse do të kishte diçka me Kryeprokurorin do të kontaktonte me të.
“Unë po ju them se kemi një flotë dronësh modernë, kemi një flotë me helikopterë që do i përdorim për të monitoruar territorin dhe mjerë ata që do të kapen duke kultivuar kanabis. Ne kemi një angazhim të jashtëzakonshëm, do nxjerrim dronët”, tha Lleshaj, duke shtuar se shanset e tyre janë në minimumin historik.
