Kreu i PAA-së, Agron Duka, e konsideron të nxituar nismën për legalizimin e kanabisit për arsye shëndetësore.
Duka tha se ky Parlament nuk mund të marrë, qoftë edhe moralisht edhe politikisht, një vendim të tillë.
I ftuar në emisionin “Open”, Duka tha se ishte kundër pasi në këto momente, Shqipëria nuk i plotëson kushtet.
“Nuk plotësohen kushtet, pasi kjo do të bëhet për zgjedhjet që vijnë. Në qoftë se kjo jep një zhvillim në ekonominë shqiptare, unë jam pro.
Pra në një të ardhme mund ta legalizojmë, por tani vendi nuk plotëson kushtet. Duhet të jetë parlamenti i plotë, që debati të zhvillohet siç duhet. Por tani Shqipëria nuk plotëson asnjë kusht për legalizimin e kanabisit”, tha Duka.
