Deputetja e Vetëvendosjes, Mimoza Kusari-Lila, shprehet se Kosova nuk mund të ketë një Qeveri të re pa shkuar më parë në zgjedhje të jashtëzakonshme.
“Kushtetuta e Kosovës nuk sheh që, të kemi një mocion mosbesimi e të mos shkojmë në zgjedhje të jashtëzakonshme. Në Kosovë nuk i kemi rrethanat si në rajon. Nuk mund të kemi një qeveri të krijuar pa shkuar në zgjedhje parlamentare.
Në situatën aktuale, me vendimet e Gjykatës Kushtetuese dhe me dispozitat e Republikës së Kosovës nuk mund të ketë qeveri pa fituesin e zgjedhjeve, pra Vetëvendosjen”, u shpreh Kusari-Lila për Syri TV.
Sipas saj, “Presidenti Hashim Thaçi ka mandatuar partinë e dytë pa pyetur më parë Vetëvendosjen. Ka pritur vetëm 20 ditë Vetëvendosjen dhe ka ecur përpara me mandatimin”.
