Koreja e Jugut regjistroi sot numrin më të madh të rasteve me koronavirus që prej më shumë se një muaj për shkak të rishfaqjes së një vatre kontaminimi në një lagje të Seulit.
Vendi, që ishte në muajin shkurt një prej vatrave më të mëdha të kontaminimit në botë, është konsideruar si model në luftën kundër koronavirusit.
Jeta filloi të rimerrte rrugën e saj që prej javës së kaluar, por këtë fundjë, Seuli, provinca fqinje e Gyeonggit dhe qyteti afër i Incheonit dekretuan mbylljen e klubeve dhe bareve, pasi autoritetet dyshojnë për një valë të dytë të kontaminimeve.
Kjo rritje e numrit të rasteve ndodhi në një kohë që shumë vende europian po fillojnë një lehtësim gradual të kufizimit të popullsisë.
Koreja e Jugut ka regjistruar sot 85 raste të reja duke e çuar numrin total të personave pozitiv me COVID-19 në 10 909, sipas qendrave koreane të kontrollit dhe parandalimit të sëmundjeve (KCDC).
