Masa inteligjence dhe të diferencuara. Është kjo këshilla e ekspertit të shëndetit publik, dr. Erion Dasho, i cili jep shembullin e Gjermanisë, atje ku shërben si mjek, për përballimin e situatës me hapjen,pas izolimit nga Covid-19.
Dasho thekson se kur thuhet se COVID ka rrezikshmëri dhe vdekshmëri më të ulët se sa u mendua në fillim, këto i ka këtë për të rinjtë (sidomos për fëmijët) dhe të shëndetshmit. Por sipas tij, të moshuarit dhe të sëmurët kanë nevojë të mbrohen!
Postimi nga Erion Dasho:
Shumë miq në facebook më “kritikuan” që i ndërpreva shpejt mesazhet e kujdesit lidhur me COVID dhe kishin të drejtë. Kur shoh hapjen shqiptare dhe e krahasoj me hapjen europiane, tek ne shoh pak ose aspak masa inteligjente.
Rregulla kemi, por zbatueshmëria e tyre është e diskutueshme!
Mbi të gjitha, nuk shoh një strategji të qartë për të mbrojtur dy grupet e mëdha në risk – personat mbi 60 vjeç dhe personat e prekur nga sëmundje kronike.
Kur thuhet se COVID ka rrezikshmëri dhe vdekshmëri më të ulët se sa u mendua në fillim, këto i ka këtë për të rinjtë (sidomos për fëmijët) dhe të shëndetshmit. Të moshuarit dhe të sëmurët kanë nevojë të mbrohen!
Jo izolim i paarsyeshëm që i rrezikon ndoshta po aq sa COVID! Por masa që i mbrojnë dhe i lejojnë të vazhdojnë jetën e zakonshme, të rigjallërojnë imunitetin që u ka rënë gjatë dimrit dhe që do t’i mbrojë gjatë vjeshtës dhe dimrit tjetër.
Pa mbrojtje për të moshuarit, të sëmurët kronikë dhe personelin mjeksor, rrezikojmë kthimin prapsht të epidemisë dhe një verë aspak të zakonshme. Ndërkohë me masa inteligjente dhe të diferencuara, mund t’i kthehemi normalitetit të qëndrueshëm.
