Kejvina Kthella ka lënë pas të shkuarën me Redjan Rrajën mesa duket dhe është hedhur në krahët e një mashkulli tjetër. Ish-velina po qëndron në SHBA dhe kohët e fundit është parë shpesh nën shoqërinë e reperit të njohur Seven Saraqi.
Ata publikojnë video dhe foto ku duken shumë të afërt me njëri-tjetrin, edhe pse Kejvina është shprehur se mes tyre s’ka asgjë dhe janë vetëm shokë. Megjithatë afrimiteti mes tyre, tregon se mund të ketë më shumë sesa miqësi mes tyre.
Kejvina dhe Seven po qëndrojnë të karantinuar së bashku në SHBA, ku ish velina shkoi për të bërë një kurs për aktrim.
Kujtojmë që vetëm pak muaj më parë Kejvina u bë pjesë e një skandali pasi u zbulua se kishte lidhje me Redjan Rrajën, i arrestuar si autori i dyshuar i atentatit ndaj prokurorit Arian Ndoja, që ndodhi në mbikalimin e Shkozetit.
Burime policore thanë se Kthella kishte bisedime të shpeshta telefonike me 34- vjeçarin Rraja. Madje ajo lëvizte me një makinë superluksoze në pronësi të tij.
Mediat raportuan për një lidhje intime mes tyre por Kejvina asnjëherë nuk ka folur në lidhje me këtë temë.
