Vazhdon të ulen shifrat e koronavirusit në Spanjë.
Në 24 orët e fundit kanë ndërruar jetën 123 persona nga COVID-19, 20 më pak së një ditë më parë.
Lajmi u bë me dije nga autoritetet vendase të shëndetësisë të cilat konfirmuan se në total numri i viktimave ka arritur në 26.744.
Po ashtu edhe numri i të infektuarve të rinjë është ulur, 373 raste janë regjistruar në 24 orët e fundit duke shkuar në mbi 227 mijë. Edhe numri i të shërurve është rritur dhe ka kaluar shifrën e 137 mijë persona.
Spanja ditën e sotme 11 maj lejon një hapje në bazë të rajoneve. Ishujt, si Majorka, e rajone të tjera fillojë me fazën e parë të normalizimit. Hotelet, baret, restorantët hapen.
Në rajone të tjera si Katalonjë apo Valencia lehtësimet janë të kufizuara. Në Madrid e Barcelonë mbetet në fuqi faza “0” me ndalim të fortë të lëvizjes.
