Menemenspor po tregon vazhdimisht interes për futbollistët e Kategorisë Superiore. Klubi që garon në divizionin e dytë të futbollit turk, tashmë ka hedhur sytë te Bylisi.
Nën shënjestër është sulmuesi nga Mali, Saliou Guindo. 23-vjeçari ka shënuar 19 gola në 39 ndeshjet e zhvilluara në dy sezonet e fundit me skuadrën ballshiote, teksa është një nga lojtarët më të dalluar në Superiore.
Guindo në fund të këtij sezoni del me parametra zero dhe Yeni Asir raporton se klubi turk pritet t’i ofrojë një kontratë.
Më herët gjatë muajve të kaluar, Menemenspor, ka shfaqur interes për emra si Sherif Kallaku, Ernest Muçi, Redon Xhixha, Eraldo Çinari dhe Emiliano Bitri lojtarë që aktivizohen të gjithë në Kategorinë Superiore.
