Në orët e vona të mbrëmjes së djeshme në fshatiin Gracen të Elbasanit, në segmentin e vjetër, Elbasan-Tiranë është gjetur një automjet tip Peugeot 307, me targa AA 352 TK i djegur pothuajse plotësisht.
Në fillim u dyshua se automjeti ishte djegur qëllimisht pasi mund të ishte përdorur në ndonjë ngjarje kriminale.
Policia gjatë ditës së sotme ka dhënë një informacion zyrtar, duke pohuar se djegjia e mjetit ka qenë aksidentale.
Elbasan/ Informacion paraprak
Në aksin rrugor Elbasan-Tiranë, në fshatin Gracen, në automjetin tip “Pezho”, me drejtues shtetasin K.B., i cili ka qënë në lëvizje e sipër, ka rënë zjarr.
Në vendngjarje shkoi menjëherë grupi hetimor dhe zjarrfiksja dhe nga veprimet e para hetimore rezulton se zjarri ishte aksidental si pasojë e një shkëndije elektrike.
Drejtuesi i mjetit nuk ka pësuar asnjë lëndim dhe nuk ka asnjë pretendim në lidhje me shkakun e rënies së zjarrit në automjet.
Automjeti ishte i pajisur me të gjithë dokumentacion përkatës për të qarkulluar.
