Graviteti e Covid-19 në Shqipëri ka rënë ndjeshëm. Kjo të paktën provohet nga pamjet pulmonare që tregojnë se virusi nuk po prek më mushkëritë e pacientëve.
E ndërsa në ditët e fundit ka pasur edhe një rënie të rasteve të evidentuara, të paktën referuar shifrave zyrtare të Ministrisë së Shëndetësisë, edhe gjendja e pacientëve paraqitet e stabilizuar.
Imazheristi i spitalit Infektiv, Renato Osmënaj, ka publikuar së fundmi një imazh pulmonary të një pacienti, ndërsa e konsideron si një lajm të mirë faktin se koronavirusi nuk po prek më mushkëritë.
“Lajm i mirë! Ajo ç’po kuptoj sot nga egzaminet e të sëmurëve të ditëve të fundit është se,
Graviteti i sëmundjes ka rënë ndjeshëm dhe nuk po gjejmë prekje pulmonare! Virusi po bëhet djal i mirë, jo agresiv! Prapë imazheria!”, shkruan doktori imazherist, duke publikuar edhe foton e mëposhtme.
