Në një njoftim zyrtar, La Liga bën me dije se, pasi janë kryer të gjitha testimet për coronavirus në La liga dhe Segunda Division, raportohet se në total kanë rezultuar 5 futbollistë pozitivë me COVID-19.
Të gjithë futbollistët nuk kanë shfaqur simptoma të virusit. Ashtu siç shkruhet në njoftimin e La ligës hapat e ardhshëm që do të merren do të jenë ato të izolimit të pozitivëve, që do të qëndrojnë në shtëpitë e tyre, duke pritur udhëzimin e klubeve.
Në ditët në vazhdim do të ndjekin teste të tjera për të verifikuar nëse rezultatet do të ndryshojnë në rast të një përfundimi të dyfishtë si negativ. Më pas, për ata do të vijojë rikthimi rregullisht në stërvitje.
La Liga, gjithashtu, do të sigurojë edhe tamponë për personat në rrethin e ngushtë me futbollistët që kanë rezultuar pozitivë.
