Një vogëlushi dhe familjes së tij nga Thumana ju thye ëndrra në mes. Ata kanë jetuar gati dy vjet në Francë dhe nuk përfituan dot azil se nuk plotësonin kriteret. Tërmeti i 26 nëntorit ju dëmtoi banesën duke ju shtuar dhe vështirësitë. Ai jetoi për shumë muaj në çadër, por ditët e fundit kisha i siguroi një kontenier.
Babai i Marjos tregon se Maksim Maksuri ai ka qënë nxënësi më i mirë i klasën kur mësonte në Francë, ndërsa në Thumanë po përballen me pengesa nga ato për strehim, ushqim deri dhe shkollim.
“Ka bërë klasën e parë e të dytë këtu. Të tretën dhe të katërtën e ka bërë aty. Kur kam ardhur këtu që e kam futur në shkollë këtu më kanë kërkuar letrat. Po ku ti marr unë letrat unë isha për azil aty në Francë për një jetë më të mirë. Atje fëmijë në atë klasë ku ka qënë ka qënë nxënës i dalluar. Ka arritur brenda 3 muaj të kapë tre gjuhë”, është shprehur babai i Marjos.
Për këtë shkak Marjo nuk po vazhdon shkollën. Pranë familjes së Marjos, në këtë çadër jeton dhe gjyshja me dy djemtë e tjerë dhe fëmijët.
Ajo tregon se në këto kohë kur virusi i ri ka prekur dhe banorë të Thumanës higjena në çadër lë për të dëshiruar.
“Më vjen turp me ta thënë, jemi me një banjo të keqe më vjen turp ta them të mbuluar me plasmas.”
Ikbalja dhe tre familjet e djemve ushqehen me pensionin e saj.
Sa është pensioni juaj?
“160 kam marrë dhe borxhe lyp këtej lyp andej s’më jep më kërkush tani. Blej veresie miellin, marr pensionin dhe i laj nga pak. Rri e qaj gjithë ditën. Njëherë më ka dhënë bashkia, njëherë xhamia, njëherë policia e shtetit, që kur ra tërmeti më shumë më ka sjellë gjellë kisha. Eja brenda kam vetëm dy pako makarona”, është shprehur Ikbalja.
Varfëria e kësaj familje ka lënë pa shkollë dhe dy vajzat.
“Kam dy goca, as në shkollë asnjë gjë. Çdo prind ka dëshirë që fëmija të shkollohet por ne me zor po i ushqejmë. Në këto kushte do shkollohet fëmija.”
Haxhiu jeton me nënë e tij Ikbalen në çadër. Ai është dëmtuar dhe fizikisht nga tërmeti. Viziton shpesh banesën ku u rrit, por ajo nuk I jep më siguri për të banuar.
“Jam rrëzuar tek dera kur po dilja, shtëpia është e shkatërruar, rrimë në çadër, bie shiu brenda e çdo gjë”, është shprehur ai.
Këta banorë të Thumanës si qindra të tjerë shpresojnë shumë që të nisë rindërtimi I banesave që të paktën të kenë mundësi të jetojnë në kushte normale pasi jetesa në çadra është shumë e vështrirë./abcnews.al
