Ish deputetja e Parlamentit Evropian, Doris Pack ka reaguar në Ditën e Europës ndaj vendimit të marrë nga qeveria për Teatrin Kombëtar.
Në një postim në Twitter, ajo shkruan se kreu i Bashkisë, Erion Veliaj do të shkatërrojë një ndërtesë të trashëgimisë kulturore me interes evropian.
“Një shaka? Jo! në Ditën e Evropës, 9 maj, #Rama duke mosrespketuar vlerat europiane, po i lan duart e tij në mënyrë të pafajshme duke transferuar Teatrin Kombëtar, tek shoku i tij i ngushtë Veliaj kryetari i bashkisë së Tiranës, i cili do të shkatërrojë një ndërtesë të trashëgimisë kulturore me interes evropian“, shkruan Doris Pack.
Kujtojmë se ditën e djeshme, qeveria Rama i dorëzoi pronësinë e Teatrit Bashkisë së Tiranës, kryetari i së cilës Erion Veliaj është zotuar disa herë publikisht se do ta shembë.
