Bakaj: Aventura te Skënderbeu ka qenë e vuajtur, ja për kë bëj tifo në Superligë

Sulmuesi, Elis Bakaj, është nga të paktët shqiptarë që nuk po e vuan aspak efektin e pandemisë Covid-19, pasi në Bjellorusi ku ai luan, nuk ka masa shtrënguese siç po aplikohen në thuajse të gjithë vendet e botës.

Në një lidhje direkte me emisionin “FanZone” në Supersport, Bakaj foli për jetën në Bjellorusi dhe tregoi detajet mbi rikuperimin nga dëmtimi që pësoi pak më tepër se një muaj më parë dhe që do ta lërë disa muaj pa futboll.

Karantina-Unë nuk e kam ndjerë këtë punën e izolimit si njerëzit në vendet e tjera, pasi ne këtu nuk jemi izoluar si kudo. Unë vazhdoj rregullisht stërvitjen, për të rikuperuar nga dëmtimi. Më vjen keq që janë mbyllur kufijtë, pasi nuk kam takuar gocën time prej disa kohësh, por shpresoj të normalizohet gjithçka shumë shpejt”.

Nostalgji për Dinamon? “Unë kam nostalgji për të gjithë ekipet me të cilët kam luajtur, pasi në radhë të parë kam edhe respekt për të gjithë me të cilët kam bashkëpunuar. Dikur kam qenë tifoz me Partizanin, por e kam për nder që kam veshur fanellat e klubeve më të mira të Shqipërisë dhe i repsektoj të gjitha”.

Eksperienca te Skënderbeu –Nuk dua të flas për shumë gjëra, por mund të them që në ato momente nuk ndihesha mirë aty, ndaj vendosa që më mirë të largohem sesa të vazhdoj dhe të mos jap maksimumin”.

Kur pritet të zbrisni në fushë? “Në fakt kam rreth një muaj që kam kryer ndërhyrjen, por një dëmtim i tillë parashikon të paktën 6 muaj pa futboll, pasi nëse aktivizohesh më herët, rrezikohet përsëritja e lëndimit. Stërvitjen në fushë mund ta nis për 4 muaj, por bashkë me mjekun e ekipit, besojmë që do të rikthehem në fushë pas 6 muajsh”.

LEXO EDHE  ‘Topi i Artë’/ Leva merr çmimin ‘Sulmuesi i vitit’