Kryeminsitri Edi Rama i ftuar në ‘Çim Peka Live’ ka folur dhe për videon e publikuar ku policia shfaqte dhunë ndaj qytetarëve, e cila fillimisht u tha se është bërë në Spanjë e më pas rezultoi se ishte zhvilluar në Algjeri.
I pyetur nga gazetari Peka nëse kjo video do të ishte bërë vërtetë në Spanjë, a do të përdorte vërtetë policia shqiptare dhunë ndaj qytetarëve, Rama u përgjigjë prerë që kjo gjë do të ndodhte.
Pjesë nga intervista:
Peka: Pra nëse ngjarja do të ishte e vërtetë në Spanjë, ju do të përdornit dhunë ndaj qytetarëve?
Rama: Pa as më të voglin diskutim ne do të përdornim çdo mjet demokratik për të shpërndarë qytetarët.
Peka: Është sjellje demokratike ajo që shfaqej në video, dhuna ndaj qytetarëve?
Rama: Shpërndarja e njerëzve bëhet në çdo formë në çdo vend demokratik.
