Marash Kumbulla është një ndër mbrojtësit e rinj më premtues në Serie A. Qendërmbrojtësi prej kohësh është në qendër të vëmendjes të shumë klubeve dhe të gjithë pyesin për të ardhmen e tij.
Ofertat janë të shumta duke filluar nga Italia, me klube si: Interi, Napoli dhe Fiorentina, ndërsa ka pasur zëra edhe për Milanin e Juventusin. Sezoni debutues i tij në Serie A ka bërë që të kërkohet edhe nga klube jashtë Italisë.
Everton, Liverpool dhe Manchester United janë lakuar në Premier League dhe tashmë në rrugën e këtyre klubeve dhe të tjerave është futur edhe Tottenham. Për një transferim të tillë është I interesuar vetë, Mourinho, i cili kërkon një zëvendësues të denjë për Jan Vertonghen, me këtë të fundit që do të largohet nga klubi londinez.
