Kryeministri Edi Rama në një intervistë në ‘Çim Peka Live’ ka fajësuar sërish mediat për deklarata e tij, duke theksuar se ato janë nxjerrë nga konteksti.
Edhe pse përballë deklaratave të tij me zë dhe figurë ku dekalronte se po të mos ishte ai në Shqipëri do të kishte 18 mijë të vdekur, Rama ka deklaruar se kjo është nxjerrë nga konteksti pasi ka qenë duke cituar një ekspert.
Pjesë nga intervista:
Peka: Keni thënë se, po të mos isha unë mund të kishte deri në 18 mijë vdekje? Më pas e keni përgënjeshtruar.
Rama: Kështu është kur i nxjerr jashtë kontekstit. Sepse e kam shpjeguar. Po ta zgjasni pak filmin do ta gjeni se e kam shpjeguar gjithmonë. 18 mijë të vdekur ka qenë një projeksion katastrofik i bërë nga një ekspert shqiptar në studion e Fevziut. Meqënëse e doni edhe me adresë, e Fevziut. Ai ka folur për 18 mijë të vdekur. Një ekspert shqiptar që nuk është as i partisë. Përkundrazi nuk ka asnjë lloj simpatie me partinë tonë. Me partinë tuaj po. Dhe asaj i jam referuar.
