Ka degjeneruar në dhunë protesta e shoqërisë civile në Sheshin Skënderbej në kryeqytet, ku efektivët e policisë kanë ndërhyrë për të shpërndarë qytetarët. Të paktën 3 qytetarë janë shoqëruar me dhunë nga ana e policisë, ndërkohë që policia ka këshilluar dhe ambientalistin Sazan Guri.
Protestuesit kërkuan ti japin fund kufizimeve që ka vendosur qeveria për shkak të pandemisë së koronavirusit.
Qytetarët ishin duke respektuar dhe distancën prej dy metrash në protestën e tyre, por kjo nuk është marrë parasysh nga ana e policisë, që ka ndërhyrë për ti shpërndarë. Një prej personave të shoqëruar është studenti Klajdi Bello, i cili ka qenë një nga organizatorët e protestave të studentëve.
Lidhur me rastin reagoi dhe avokati Altin Goxhaj. “Policia shkeli përsëri ligjin në protestën e thirrur nga Av. Zaçe Islami dhe Klajdi Bello sps kishte detyrimin që para se të vepronte të thërriste 3 herë me megafon për shpërndarje duke çituar nenin e ligjit (njësoj sikur arrestohet dikush që i lexohet aktakuza dhe të drejtat). Kjo e bën arrestimin e protestuesve të paligjshëm dhe ata duhet të lirohen menjëherë! Mbajtja e tyre me dhunë është rrëmbim personi dhe heqje e paligjshme e lirisë së shtetasit! Ky është krim i policisë së antishtetit antikushtetues! Ka një tufë me shkelje antiligjore por e theksova këtë se është urgjente”, shkruan Goxhaj në një postim në rrjetet sociale.
Policia ndërkaq, nuk ka asnjë reagim për ngjarjen në fjalë.
