Avokati Altin Goxhaj ka reaguar lidhur me shoqërimet e bëra nga ana e policisë paraditen e sotme në Sheshin Skënderbej.
Goxhaj thotë se ato janë të paligjshme, sa kohë që nuk iu është kërkuar atyre që të shpërndahen.
Goxhaj thotë se personat janë shoqëruar në shkelje të ligjit, dhe mbajtja e tyre në komisariat duhet të klasifikohet si rrëmbim personi.
“Pasi pashë pamjet, Policia shkeli përsëri ligjin në protestën e thirrur nga Av. Zaçe Islami dhe Klajdi Bello sepse kishte detyrimin që para se të vepronte të thërriste 3 herë me megafon për shpërndarje duke çituar nenin e ligjit (njësoj sikur arrestohet dikush që i lexohet aktakuza dhe të drejtat).
Kjo e bën arrestimin e protestuesve të paligjshëm dhe ata duhet të lirohen menjëherë! Mbajtja e tyre me dhunë është rrëmbim personi dhe heqje e paligjshme e lirisë së shtetasit!
Ky është krim i policisë së antishtetit antikushtetues! Ka një tufë me shkelje antiligjore por e theksova këtë se është urgjente”, shkruan Goxhaj në postimin e tij në rrjetet sociale.
