Ish-kryeministri Aleksandër Meksi ka bërë një dedikim prekës për arkitektin Maks Velo, i cili u nda nga jeta në moshën 84-vjeçare.
Meksi kujton kohët kur Velo ishte i burgosur në burgun e Spaçit dhe nuk pranoi kurrë të fliste keq për të edhe pse u dhunua barbarisht.
“RIP Maks. Njiheshim që në vitin 1955 kur unë u futa Institutin Politeknik dhe ti ishe në vitin e katërt.
U bëmë miq në vitet kur merreshe me studime të trashëgimisë arkitekturore.
Përshëndeteshim në xhiron përpara Dajtit deri sa të arrestuan. U ritakuam kur dole nga burgu dhe punoje te Abrazivja.
Të jam mirënjohes që në skëterrën e Spaçit nuk pranove të flisje keq për mua. Nuk e harroj. U dhunove barbarisht.
Jemi takuar shpesh që atëherë si miq të vjetër. U prehtë në paqe”, shkruan ish-kryeministri Meksi.
