Një person është vënë në pranga nga policia e Kurbinit pasi akuzohet se ka dhunuar gruan dhe vajzën, si dhe iu gjet një armë zjarri pa leje në banesë. Në pranga u vu Xh.J., banues në fshatin Shullaz, Kurbin.
“Ky shtetas ka ushtruar dhunë fizike dhe psikologjike ndaj bashkëshortes dhe vajzës së tij, në banesë. Policia, me marrjen e njoftimit, ka ndërhyrë menjëherë duke parandaluar përshkallëzimin e mëtejshëm të dhunës dhe ka vënë në pranga autorin. Gjatë kontrollit të ushtuar në banesën e shtetasit Xh.J., Policia gjeti dhe sekuestroi 1 armë zjarri automatik me 3 krehra dhe municion luftarak (1080 fishekë)”, njoftoi policia.
Ndaj tij, janë ngritur akuzat për veprat penale “Dhuna në familje” dhe “Armëmbajtja pa leje”.
