Bundestagu gjerman i ka vendosur Shqipërisë 15 kushte lidhur me procesin e integrimit në BE, pjesa dërmuese e të cilave duhet të plotësohen nga Qeveria.
Lidhur me këto kushte, eurodeputet ngritën shqetësimin në Parlamentin Europian, duke pyetur nëse ato i ishin bërë të qarta Kryeministrit Edi Rama në samitin e Zagrebit.
Si po punoni me 15 kushtet e Këshillit Europian për Shqipërinë”, ishte pyetja që eurodeputetët Kinga Gál dhe Michal Gahler nga Grupi PPE drejtuan sot në drekë Komisionerit për Zgjerimin Oliver Varhely.
Pyetja u bë gjatë një debati në Komisionin për Punët e Jashtëme (AFET) në Parlamentin Europian ku një pjesë e deputetëve ishin fizikisht në sallë dhe pjesa tjetër ishte në videokonferencë nga distanca.
Eurodeputeti David Lega (PPE, Suedi) tha se ishte shumë i shqetësuar nga përkeqësimi i lirisë së medias e të shprehjes në Shqipëri, ndërkohë që kjo është kusht për çeljen e negociatave.
Raportet e Reporterëve pa Kufinj, të Freedom House dhe të Këshillit të Europës po na japin një panoramë të keqe.
Dua të di nëse ky problem dhe 15 kushtet specifike u diskutuan në samitin e Zagrebit ku i pranishëm permese videokonferences ishte edhe Edi Rama
Komisioneri Varhely theksoi se ai do të bënte çmos që këto kushte të përmbusheshin. Lidhur me ligjet antishpifje, Varhely tha se qeveria e Tiranës i kishte premtuar se nuk do të vepronte kundër opinionit të Komsionit të Venecias.
Gjithashtu Komisioni po ndiqte edhe reformën zgjedhore.
