Trajneri i Barcelonës, Quique Setien, ka deklaruar që skuadra e tij nuk dëshiron të shpallet kampione e La Ligës pa u luajtur të gjitha ndeshjet.
Komentet e trajnerit Setien vijnë vetëm pak pas deklaratës së portierit të Real Madridit, Thibaut Courtois, i cili tha se do të ishte gabim t’i jepej Barcelonën titulli nëse sezoni nuk do të rinisë për shkak të pandemisë së koronavirusit.
“Nuk do të më pëlqente të fitoja në këtë mënyrë. Është e kuptueshme që tabela e La Ligas do të qëndronte ashtu siç është nëse vendoset që sezoni të përfundohet para kohe”, ka thënë Setien.
“Megjithatë, realiteti është se të gjithë do të preferonin ta përfundonim sezonin dhe të fitojmë duke i luajtur të gjitha ndeshjet, njëjsoj si në Ligën e Kampionëve”, u shpreh Setien.
Kujtojmë që Barcelona ka avantazhin prej dy pikësh ndaj Real Madridit në krye të La Ligës, ku deri në fund të sezonit kanë mbetur edhe 11 ndeshje për t’u luajtur.
