Policia e Shtetit njoftoi sot arrestimin e shtetasit Ariol Halilaj, lindur në Skrapar dhe banues në Durrës, lidhur me atentatin ndaj prokurorit Arjan Ndoj, ku mbeti i vrarë edhe shoferi i tij.
Boldnews.al, ka mësuar nga burimet e grupit hetimor, se Halilaj ka transportuar pas atentatit, atentatorët nga fshati Shkafanë drejt Durrësit.
Një tjetër e dhënë nga grupi hetimor është fakti se i arrestuari ka shoqëruar makinën e atentatorëve në kohën e kryerjes se atentatit dhe më pas në kthim.
Mësohet se Halilaj nuk ka qenë në kërkim nga policia më herët, ndërsa u shpall në kërkim sot nga Prokuroria e Posaçme, duke e akuzuar si bashkëpunëtor në këtë ngjarje.
Ai u arrestua pak orë pasi është bërë verifikimi dhe vënia e masës së sigurisë.
Mësohet se ndaj Halilajt, Gjykata e Posaçme e Shkallës së Parë për Korrupsionin dhe Krimin e Organizuar, ka caktuar masën e sigurisë “Arrest në burg”, për veprën penale “Përkrahja e autorit të krimit e kryer në rrethana cilësuese”.
Lidhur me ngjarjen e rëndë është arrestuar më parë Redjan Rraja, i dyshuar si një nga autorët.
Në atentatin ku plagos prokurori Ndoj, gjithashtu mbeti i plagosur edhe Aleksandër Laho si dhe shoferi Andi Maloku, i cili humbi jetën disa ditë më pas në spital.
Atentati ndaj prokurorit Ndoja/ Ariol Halilaj ndihmoi autorët të largoheshin
