E ardhmja e sezonit 2019-2020 në futbollin spanjoll mbetet e paqartë. La Liga shpresonte se gjithçka do të ishte gati për rifillimin e sezonit, por vetë futbollistët duket se kanë shfaqur disa rezerva të tyre.
Me anë të sindikatës së tyre, lojtarët e Ligës kanë hedhur poshtë protokollin e prezantuar nga Komisioni i Sportit dhe që projektonte rikthimin e skuadrave në fillim në stërvitje dhe më pas në garë për të mbyllur sezonin.
Kështu sipas futbollistëve, protokolli nuk është i qartë dhe siguria nuk është e garantuar. Gjithashtu Sindikata e Futbollistëve në Spanjë, ngre pikëpyetje se çfarë do të ndodhë nëse dikur rezulton pozitiv kur futbolli të kthehet në fushë.
Sipas mediave spanjolle, ky qëndrim i sindikatës së futbollistëve minon shpresat për të rinisje të La Liga, ndërsa këto tema të hapura kërkojnë një zgjidhje të shpejtë, pasi koha kalon dhe afati i përcaktuar për të mbyllur sezonin ngushtohet ndjeshëm.
